რა არის სპლინტი და რა დანიშნულება აქვს სპლინტთერაპიას?
სპლინტი არის 2 სახის სარელაქსაციო და სარეპოზიციო კაპა, რომელიც გამოიყენება საფეთქელ-ქვედა ყბის სახსრის დისფუნქციის სამკურნალოდ.
ამ დროს პაციენტი უჩივის:
- სახის ასიმეტრიას
- ტკაცუნს/ხმაურს პირის გაღებისას და დახურვისას
- ტკივილს ქვედა ყბის არეში
- საღეჭი კუნთების დაჭიმულობას
- თავის ტკივილს
ძირითადი გამომწვევი მიზეზებია:
- თანკბილვის და კბილთა დგომის ანომალიები
- ქვედა ყბის გადანაცვლება
- კბილების ცვეთა
- ბრუქსიზმი
- სტრესი და ფსიქოემოციური გადატვირთვა
დიაგნოსტიკა იწყება სიმპტომების დეტალური გამოკითხვით, შემდეგ კი აღნიშნული სიმპტომების მიხედვით ვატარებთ ყველა საჭირო რენტგენოლოგიურ გამოკვლევას.
იქიდან გამომდინარე რომ სპლინტი მზადდება ინდივიდუალურად და სრული სიზუსტით უნდა იყოს მორგებული პაციენტის ზედა და ქვედა ყბაზე, ხდება პირის ღრუს დასკანერება და ლაბორატორიაში გადაგზავნა, სადაც, გერმანულ ჩარხში იჩარხება კაპა, რომელიც გამოირჩევა თავისი სიზუსტით და მაღალი ესთეტიკურობით.
მკურნალობა დაახლოებით 6 თვემდე გრძელდება. სპლინტთერაპიის შემდეგ პაციენტი აღარ უჩივის თავის ტკივილს, საღეჭი კუნთების დაჭიმულობას, ტკივილის შეგრძნებას პირის გაღება/დახურვის დროს და საფეთქელ-ქვედა ყბის სახსრის ფუნქცია სტაბილურ ფაზაში გადადის.